ԲՀԿ հիմնադիր նախագահ

Գագիկ Ծառուկյանը ծնվել է 1956թ.-ի նոյեմբերի 25-ին Կոտայքի մարզի Առինջ գյուղում:
1989թ.-ին ավարտել է Ֆիզիկական կուլտուրայի հայկական պետական ինստիտուտը: 
 
2004թ.-ից Գագիկ Ծառուկյանը ղեկավարում է նաև Հայաստանի ազգային օլիմպիական կոմիտեն: Նրա գլխավորությամբ վերջին տարիներին հայ մարզիկները փայլուն արդյունքներ են արձանագրել աշխարհի և Եվրոպայի առաջնություններում: 2008թ.-ին Պեկինում կայացած օլիմպիական խաղերում մեր մարզիկները նվաճել են 6 օլիմպիական մեդալ: 
 
1990-2000թթ.-ին Գագիկ Ծառուկյանը զբաղվել է գործարարությամբ՝ դառնալով այդ ոլորտի Հայաստանի հայտնի դեմքերից մեկը:
 
1990-1992թթ. եղել է «Արմենիա» ընկերության գործադիր տնօրենը: 1995թ.-ին Գագիկ Ծառուկյանը հիմնադրում է «Մուլտի Գրուպ» բազմաճյուղ կոնցեռնը, որի կազմում այսօր կան շուրջ 40 ձեռնարկություններ: Այդ կառույցներում, ընդհանուր առմամբ, ներգրավված են 20 000-ից ավելի աշխատողներ: 
 
Քաղաքական գործունեությամբ Գագիկ Ծառուկյանը սկսել է զբաղվել 2002թ.-ից: 2003թ.-ին մեծամասնական կարգով ընտրվել է ՀՀ Ազգային Ժողովի պատգամավոր, իսկ արդեն 2004թ.-ին՝ հիմնադրել է «Բարգավաճ Հայաստան» կուսակցությունը: Կուսակցությունն այսօր ունի լուրջ դերակատարում Հայաստանի Հանրապետության քաղաքական կյանքում: 2007թ.-ին, առաջին անգամ մասնակցելով խորհրդարանական ընրություններին, «Բարգավաճ Հայաստանը» ՀՀ Աժ-ում ձևավորեց մեծությամբ երկրորդ խմբակցությունը: Կոալիցիոն կառավարության կազմում «Բարգավաճ Հայաստան» Կուսակցությանն են վստահվել Սպորտի և երիտասարդության, Աշխատանքի և սոցիալական հարցերի, Առողջապահության և Քաղաքաշինության նախարարությունները: 
 
2012 թվականի խորհրդարանական ընտրություններին «Բարգավաճ Հայաստանը», Գագիկ Ծառուկյանի գլխավորությամբ, ստացավ  մեր հայրենակիցների ավելի քան 450 հազար քվե՝ խորհրդարանում ունենալով 37 պատգամավոր. իր մեծությամբ երկրորդ խմբակցությունը։
 
2012 թվականի խորհրդարանական ընտրություններից հետո «Բարգավաճ Հայաստանը» հրաժարվեց մաս կազմել իշխող քաղաքական կոալիցիայի։
 
2017 թվականին «Բարգավաճ Հայաստան» կուսակցությունը, հանդիսանալով «Ծառուկյան դաշինք»-ի  առանցքային քաղաքական  ուժ, մասնակցել է խորհրդարանական ընտրություններին՝ ստանալով մեր հայրենակիցների  430 հազար քվեն, խորհրդարանում ունենալով 31 պատգամավոր:
 
2018 թվականին «Բարգավաճ Հայաստան» կուսակցությունը մասնակցել է արտահերթ խորհրդարանական ընտրություններին՝ Ազգային ժողովում ձևավորելով 26 պատգամավորներից կազմված «Բարգավաճ Հայաստան» խմբակցությունը: Խմբակցության ղեկավարն է Գագիկ Ծառուկյանը:
 

2018-2021 թվականը հանդիսացել է ԱԺ «Բարգավաճ Հայաստան» խմբակցության ղեկավար։

2021 թվականի սեպտեմբերի 9-ին,  Հայաստանի ազգային օլիմպիական կոմիտեի հաշվետու-ընտրական համաժողովի ժամանակ, հանձնաժողովի անդամների միաձայն կողմ քվեարկությամբ վերընտրվել է ՀԱՕԿ նախագահի պաշտոնում:
 
Գագիկ Ծառուկյանը հանրությանը հայտնի է նաև իր մեծամասշտաբ բարեգործական ծրագրերով: 2003թ.-ից գործում է «Գագիկ Ծառուկյան» բարեգործական հիմնադրամը: Այս տարիների ընթացքում հիմնադրամի գործունեության հիմնական ռազմավարական ուղղություններից են հանդիսանում.
 
  1. Եկեղեցաշինությունը, 
  2. Կրթական հաստատությունների օգնությունն ու երիտասարդական նախաձեռնությունների խրախուսումը, 
  3. Սոցիալապես անապահով խավերի աջակցությունը, 
  4. Համահայկական նշանակության ծրագրերի հովանավորությունը, 
  5. Համայնքային զարգացման ծրագրերի իրականացումը, 
  6. Գիտության, արվեստի, մշակույթի ու սպորտի ճանաչված մարդկանց մեծարումը, 
  7. Ֆիզիկական կուլտուրայի և սպորտի բնագավառների համակողմանի աջակցությունը: 
Գագիկ Ծառուկյանն ամուսնացած է, ունի 6 երեխա:

 

«ԲԱՐԳԱՎԱՃ ՀԱՅԱՍՏԱՆ» ԿՈՒՍԱԿՑՈՒԹՅԱՆ ՆԱԽԱԳԱՀ ԳԱԳԻԿ ԾԱՌՈՒԿՅԱՆԻ ԱՄԱՆՈՐՅԱ ՈՒՂԵՐՁԸ ՀԱՅ ԺՈՂՈՎՐԴԻՆ
12/31/2011

Ջերմորեն շնորհավորում եմ ձեզ Ամանորի և Սուրբ ծննդյան տոների առիթով: Մաղթում եմ բոլոր հայ ընտանիքներին սեր, խաղաղություն և համերաշխություն: Գալիք 2012 թվականը թող լինի մեր ազգի ու պետության հզորացման, բարօրության ու բարգավաճման տարի

ԳԱԳԻԿ ԾԱՌՈՒԿՅԱՆԻ ՈՒՂԵՐՁԸ ՈՒՍԱՆՈՂՈՒԹՅԱՆ ՄԻՋԱԶԳԱՅԻՆ ՕՐՎԱ ԿԱՊԱԿՑՈՒԹՅԱՄԲ
11/17/2011

Սիրելի ուսանողներ, դուք եք մեր երկրի ապագան, ու ես վստահ եմ, որ այդ ապագան փայլուն է լինելու: Հարկավոր է միայն կամք, ձգտում և աշխատասիրություն՝ ձեր բոլոր նվիրական երազանքների իրականացման գործում

«ԲԱՐԳԱՎԱՃ ՀԱՅԱՍՏԱՆ» ԿՈՒՍԱԿՑՈՒԹՅԱՆ ՆԱԽԱԳԱՀ ԳԱԳԻԿ ԾԱՌՈՒԿՅԱՆԻ ՈՒՂԵՐՁԸ ԱՆԿԱԽՈՒԹՅԱՆ ՕՐՎԱ ԱՌԻԹՈՎ
09/20/2011

Սիրելի հայրենակիցներ,
ջերմորեն շնորհավորում եմ Ձեզ Հայաստանի Հանրապետության անկախության 20-ամյակի կապակցությամբ
Ազատությունն ու անկախությունը անփոխարինելի արժեքներ են, որոնց համար հայ ժողովուրդը չափազանց թանկ գին է վճարել:

ԲՀԿ ՆԱԽԱԳԱՀ ԳԱԳԻԿ ԾԱՌՈՒԿՅԱՆԻ ՈՒՂԵՐՁԸ ԼՂՀ ԱՆԿԱԽՈՒԹՅԱՆ ՀՌՉԱԿՄԱՆ 20-ԱՄՅԱԿԻ ԱՌԻԹՈՎ
09/02/2011

Սիրելի հայրենակիցնե’ր, սրտանց շնորհավորում եմ մեր ազգային հավաքական ամենամեծ ձեռքբերումներից մեկի՝ Լեռնային Ղարաբաղի Հանրապետության անկախության հռչակման առիթով

ԲՀԿ ՆԱԽԱԳԱՀ ԳԱԳԻԿ ԾԱՌՈՒԿՅԱՆԻ ՈՒՂԵՐՁԸ ԳԻՏԵԼԻՔԻ, ԳՐԻ և ԴՊՐՈՒԹՅԱՆ ՕՐՎԱ ԱՌԹԻՎ
09/01/2011

Սիրելի աշակերտներ, ուսանողներ, ուսուցիչներ և ծնողներ, սրտանց շնորհավորում եմ ձեզ ուսումնական տարվա մեկնարկի կապակցությամբ: Մեր ժողովրդի համար ուսումն ու կրթությունը, գիրն ու դպրությունը միշտ էլ եղել են անփոխարինելի արժեքներ

Pages