Ողջ հանրապետության տարածքում շարունակվում է «Բարգավաճ Հայաստան» կուսակցության նախաձեռնությամբ և «Գագիկ Ծառուկյան» բարեգործական հիմնադրամի աջակցությամբ իրականացվող առողջապահական-բարեգործական ակցիան: Այս անգամ «Էրեբունի» բժշկական կենտրոնի 14 առաջատար մասնագետներն այցելեցին Տավուշի և Լոռու մարզեր:

Տավուշի մարզում առաջին կանգառը Նոյեմբերյանի քաղաքային պոլիկնինիկան է: Բժշկական օգնություն ստանալու նպատակով  պոլիկնինիկա են ժամանել ոչ միայն քաղաքի, այլև շրջակա բնակավայրերի քաղաքացիները: Տեղում իրականացվեց բժշկական խորհրդատվություն, իսկ անհրաժեշտության դեպքում տրվեցին նաև դեղամիջոցներ: Ակցիայի հաջորդ կանգառը սահմանամերձ Բերդ քաղաքն է: բերդի շրջանում կա մասնագետների պակաս, հենց այդ պատճառով քաղաք էին այցելել նաև շրջակա գյուղերի բնակիչները: