«Բարգավաճ Հայաստան» կուսակցությանն անդամակցեցին Կրթության միջազգային ակադեմիայի մաս կազմող մի շարք բուհերի պրոֆեսորադասախոսական կազմի 100-ից ավելի ներկայացուցիչներ:

Նախ ելույթ ունեցավ Կրթության միջազգային ակադեմիայի տնօրենների խորհրդի նախագահ Անահիտ Հարությունյանը, ով նշեց, որ «Բարգավաճ Հայաստան» կուսակցության և վերջինիս նախագահ Գագիկ Ծառուկյանի նկատմամբ վստահությունը պայմանավորված է այն հանգամանքով, որ կուսակցությունը միշտ հավատարիմ է մնացել իր հռչակած սկզբունքներին և չի շեղվել որդեգրած արժեքներից: