Հանդիպման ընթացքում քննարկվեցին երիտասարդ գիտնականներին հուզող բազմաթիվ հարցեր, հնչեցին առաջարկություններ: Ողջունելով ներկաներին՝ Գագիկ Ծառուկյանն ընդգծեց, որ այս ձևաչափի հանդիպումները պարբերական են լինելու, որոնց ընթացքում տարբեր ոլորտները ներկայացնող երիտասարդները կարող են ներկայացնել յուրաքանչյուր բնագավառում առկա խնդիրները: «Մենք պետք է ունենանք մեր ծրագիրը, քանի որ շատ փոփոխություններ են եղել, պետության առջև ծառացած են բազմաթիվ խնդիրներ, ամեն մի գիտնական իր ոլորտին համապատասխան պետք է ծրագիր ներկայացնի, որը կնպաստի պետության բարգավաճմանը»,-ելույթում մասնավորապես նշեց ԲՀԿ նախագահ Գագիկ Ծառուկյանը: