Նոյեմբերի 17-ին Կարեն Դեմիրճյանի անվան մարզահամերգային համալիրում «Բարգավաճ Հայաստան» կուսակցության նախագահ, ՀԱՕԿ նախագահ, ԱԺ պատգամավոր Գագիկ Նիկոլայի Ծառուկյանը Հայաստանի տարբեր բուհերում սովորող 120-ից ավելի ուսանողների հանձնեց «Գագիկ Ծառուկյան» հիմնադրամի՝ 500 ԱՄՆ դոլարին համարժեք անվանական կրթաթոշակներ:

ԲՀԿ նախագահ Գագիկ Ծառուկյանը նշեց, որ միջոցառման առաքելությունը շնորհալի և հասարակական դաշտում ակտիվ  երիտասարդներին աջակցություն ցուցաբերելն է, և նշեց, որ ամեն տարի նման միջոցառումները ավելի են ընդլայնվելու, իսկ շնորհալի ուսանողները խրախուսվելու են:

Անակնկալ էր նախատեսված նաև «Բարգավաճ Հայաստան» կուսակցության նախագահի համար: Համաշխարհային միջազգային բարեկամության մարդասիրության ֆոնդի որոշմամբ «Բարգավաճ Հայաստան» կուսակցության նախագահ Գագիկ Ծառուկյանին շնորհվեց «Հանուն մարդասիրության» շքանշանը: