Խորհրդարանի գալիք ընտրությունը կարող է  և պետք է դառնա մեր ժողովրդի հասունության, ժամանակակից մարտահրավերներին դիմագրավող Հայաստանի հասարակության և հայկական պետության կենսունակության ապացույց: Անցած տարիների ընտրությունների համեմատությամբ էական առաջընթաց արձանագրելու դեպքում առաջիկա ընտրության արդյունքը հնարավորություն կտա երկրում բարձրացնել ժողովրդավարության մակարդակը, Հայաստանի Հանրապետությունը դարձնել ազատ ու ժողովրդավարական պետությունների համաշխարհային ընտանիքի հարգանք վայելող անդամ: «Բարգավաճ Հայաստան» կուսակցությունը պատրաստ է գործակցել այդ նպատակի համար գործող հասարակական ուժերի ու դիտորդական առաքելությունների հետ, նպաստելով ընտրական այս գործընթացում քաղաքական ու հասարակական կայունության ապահովմանը: