Ողջ հանրապետության տարածքում շարունակվում է «Բարգավաճ Հայաստան» կուսակցության նախաձեռնությամբ և «Գագիկ Ծառուկյան» բարեգործական հիմնադրամի աջակցությամբ իրականացվող առողջապահական-բարեգործական ակցիան: Այս անգամ «Էրեբունի» բժշկական կենտրոնի 14 առաջատար մասնագետներն այցելեցին Տավուշի և Լոռու մարզեր:

Ակցիան շարունակվեց նաև Տավուշի մարզկենտրոն Իջևանում: Մարզկենտրոնի Առողջության առաջնային պահպանման կենտրոնում անվճար բուժօգնություն և խորհրդատվություն ստացավ ավելի քան 700 բնակիչ, իսկ Ալավերդի քաղաքում ակցիային մասնակցեց շուրջ 400 քաղաքացի:

Ակցիան շարունակական է, նախատեսվում է ակցիայի շրջանակներում այցելություններ կազմակերպել ՀՀ բոլոր մարզեր: