Ընդունելով ԲՀԿ ծրագրային դրույթները, տեսնելով կուսակցության ծավալած մեծամասշտաբ գործունեությունը կյանքի տարբեր ոլորտներում և ոգեշնչված լինելով ԲՀԿ նախագահ Գագիկ Ծառուկյանի կերպարով՝ հանրապետության տարբեր բուժհիմնարկների բազմաթիվ աշխատակիցներ կուսակցությանն անդամակցելու որոշում են կայացրել:

Նորաթուխ կուսակցականները ընդգծում են, որ միավորվել են գործելու հաստատակամությամբ և աշխատելու են ի նպաստ մեր երկրի և հանուն բարգավաճ Հայաստանի կերտման:

ԲՀԿ առաջնորդ Գագիկ Ծառուկյանը ողջունեց առողջապահության ոլորտի ներկայացուցիչների քաղաքականություն մուտք գործելու այս որոշումը՝ շեշտելով, որ ամեն ինչից առավել մարդկանց վստահությունն ու հավատն է, որը սրբության պես պահելու ու պահպանելու է: