ՌՈՔ-ՓԱՌԱՏՈՆ ՈՒՍԱՆՈՂՆԵՐԻ ՀԱՄԱՐ
11/16/2009
Նոյեմբերի 17-ը Ուսանողության միջազգային օրն է: Աշխարհի բազմաթիվ երկրներում նոյեմբերի 16-18-ը իրականացվում են ուսանողական և երիտասարդական միջոցառումներ: Այս ամենից անմասն չմնաց նաև Հայաստանի Հանրապետության ուսանողությունը՝ շնորհիվ ԲՀԿ նախագահ, ՀԱՕԿ նախագահ, ԱԺ պատգամավոր Գագիկ Ծառուկյանի:
Միջոցառումների շարքը մեկնարկեց նոյեմբերի 16-ին: Հայաստանի ուսանողական ֆորումը «Գագիկ Ծառուկյան» բարեգործական հիմնադրամի աջակցությամբ կազմակերպեց «Ռոքն ուսանողների համար» փառատոնը: Տիկնիկային թատրոնում հարյուրավոր ուսանողներ և երիտասարդներ մասնակցեցին աննախադեպ ռոք համերգին:
Ելույթներ ունեցան երիտասարդությանը քաջ հայտնի խմբեր Դորիանսը, Սթրայֆը, Հանթերսը և այլ կատարողներ:
Հաջորդ միջոցառումը կայանալու է Երևանի պետական համալսարանում: ԲՀԿ նախագահը անվանական կրթաթոշակներ կհանձնի 40-ից ավելի ուսանողների: