Գյումրիի քաղաքային ընտրություններում ԲՀԿ ցուցակը գլխավորած Վարդեւան Գրիգորյանի մահացած որդու՝ Արշակ Գրիգորյանի հարազատների խոսքին չհավատալու ոչ մի հիմք չկա: Այս մասին հոկտեմբերի 3-ին ԱԺ-ում լրագրողներին ասել է «Բարգավաճ Հայաստան» խմբակցության պատգամավոր Միքայել Մելքումյանը՝ մեկնաբանելով Վարդեւան Գրիգորյանի որդու՝ Արշակ Գրիգորյանի մահվան գործով քննության ընթացքը: Վարդեւան Գրիգորյանը Գյումրիի ավագանու հոկտեմբերի 2-ի ընտրություններում գլխավորում էր «Բարգավաճ Հայաստանի» ցուցակը եւ հավակնում էր քաղաքապետի պաշտոնին:

«Մենք չեն պնդում, որ տեղի ունեցածն ինքնասպանություն չէ: Մենք ուղղակի հայտարարում ենք, որ հիմքեր չունենք Արշակի հարազատների խոսքին չհավատալու համար: Մենք շարունակում ենք ուշադիր հետեւել գործի քննությանը»,- հայտարարել է Մելքումյանը:

Հիշեցնենք, որ Արշակ Գրիգորյանին մահացած են հայտնաբերել սեպտեմբերի 22-ին տան նկուղում՝ գլխի հրազենային վերքով: Նրա հայրը խնդրել է տեղի ունեցածը ընտրությունների հետ չկապել:

http://news.am/arm/news/349675.html