Զրույցի ընթացքում կողմերն անդրադարձան դեռևս 2008 թ. կայացած հանդիպմանը, որտեղ պայմանավորվածություն էր ձեռք բերվել առավել խորացնել համագործակցությունը միջկուսակցական մակարդակներում, ինչպես նաև նախաձեռնել քաղաքական, առևտրատնտեսական, գիտատեխնիկական և ագրարային համագործակցությանը նպաստոող միջոցառումներ: Այս ժամանակահատվածում տեղի են ունեցել բազմաթիվ միջկուսակցական հանդիպումներ, կազմակերպվել են հայ-չինական գործարար հարաբերությունների խորացմանը նպաստող համաժողովներ:

Լի Չանչունն իր հերթին նշեց, որ Հայաստանն ու Չինաստանն ունեն դարավոր պատմություն և մարդկային քաղաքակրթության մեջ մեծ ներդրում, և պետք է անել հնարավոր ամեն ինչ բարեկամական կապերի շարունակական ամրապնդման համար: «Պարոն Ծառուկյան, շատ ուրախ եմ Հայաստանում գտնվելու և Ձեր հետ ևս մեկ անգամ հանդիպելու հնարավորության համար: Մեր նախորդ հանդիպումից հետո Դուք անասելի մեծ գործ եք արել հայ-չինական հարաբերությունների զարգացման ու բարելավման համար և վստահաբար կարող եմ ասել, որ մեր գործընկերային հարաբերությունները հիմա նոր փուլ են թևակոխել: Այսօր մեր այցի նպատակն է` նպաստել երկու երկրների իշխող կուսակցությունների միջև քաղաքական երկխոսության, փոխշահավետ համագործակցության ու հայ-չինական ավանդական բարեկամության զարգացմանը»,-նշեց չինացի բարձրաստիճան պաշտոնյան: