Երեկ կայացավ ՀՀ դափնեկիր մարզիկների և մարզիչների մեծարման տարեմուտի հանդիսությունը, որին մասնակցեցին ՀՀ նախագահ Սերժ Սարգսյանը, ՀՀ 2-րդ նախագահ Ռոբերտ Քոչարյանը, ՀԱՕԿ նախագահ Գագիկ Ծառուկյանը, վարչապետ Տիգրան Սարգսյանը  և պաշտոնատար այլ անձիք:

Հայաստանի ազգային օլիմպիական կոմիտեի նախագահ Գագիկ Ծառուկյանը ողջունեց ներկաներին և նշեց, որ 2011թ.-ը սպասողական էր. մարզիկները պետք է խնայեին իրենց  ուժերը 2012թ.-ի Լոնդոնի ամառային օլիմպիական խաղերին նախապատրաստվելու համար: 

ՀՀ նախագահ Սերժ Սարգսյանը  նույնպես ողջունեց և շնորհավորեց մարզաշխարհի ներկայացուցիչներին Ամանորի և Սուրբ Ծննդյան տոների կապակցությամբ: ՀՀ նախագահը անձամբ  դրամական պարգևներ հանձնեց  մի շարք մարզիկներին, որոնց թվում էին Ռոման Ամոյանը, Արսեն Ջուլֆալակյանը, Հռիփսիմե Խուրշուդյանը և այլոք:

Հայաստանի 10 լավագույն  մարզիկները և Եվրոպայի փոխչեմպիոն Արայիկ Միրզոյանը ՀԱՕԿ նախագահ Գագիկ Ծառուկյանի կողմից պարգևատրվեցին ավտոմեքենաներով:

Բարձր գնահատելով ՀՀ նախագահ Սերժ Սարգսյանի և  ՀՀ  2-րդ նախագահ Ռոբերտ Քոչարյանի  դերը հայրենական սպորտի զարգացման գործում՝ ՀԱՕԿ նախագահ Գագիկ Ծառուկյանը Ս. Սարգսյանին և  Ռ. Քոչարյանին հատուկ հուշանվերներ հանձնեց: