ԽՈՐՎԱԹԻԱՅԻ ՆԱԽԱԳԱՀ ՍՏԵՓԱՆ ՄԵՍԻՉԻ ՈՂՋՈՒՅՆԻ ԽՈՍՔԸ «ԲԱՐԳԱՎԱՃ ՀԱՅԱՍՏԱՆ» ԿՈՒՍԱԿՑՈՒԹՅԱՆ ՉՈՐՐՈՐԴ ՀԱՄԱԳՈՒՄԱՐԻ ՊԱՏՎԻՐԱԿՆԵՐԻՆ և ՀՅՈՒՐԵՐԻՆ

02/12/2009

Հարգելի պատվիրակներ և հյուրեր,

Ողջունում եմ «Բարգավաճ Հայաստան» կուսակցության չորրորդ համագումարի բոլոր մասնակիցներին: Ձեր կուսակցությունն այսօր ակտիվ գործունեություն է իրականացնում Հայաստանի քաղաքական և հասարակական կյանքում, այն ձեր երկրի ամենակազմակերպված և ամենազանգվածային քաղաքական ուժերից մեկն է: Ձեր ակտիվ մասնակցությունը Հայաստանի քաղաքական կյանքին, հստակ գործունեությունը և ձեր առաջնորդ Գագիկ Նիկոլայի Ծառուկյանի գործերը և նախաձեռնությունները արժանի են բարձր գնահատականի: 

Խորվաթիային և Հայաստանին միավորում է  փոքրաթիվ ազգերի ընդհանուր պատմությունը, ազգեր, որոնք պատմության ողջ ընթացքում բազմիցս վերահաստատել են գոյության և խաղաղ զարգացման իրենց իրավունքը:

Ես վստահ եմ, որ ձեր կուսակցության գործունեությունը ապագայում զգալի ներդրում կունենա Հայաստանի Հանրապետության զարգացման և բարգավաճման գործում: 

Ցանկանում եմ ձեզ հաջողություն և ամենայն բարիք:

ԽՈՐՎԱԹԻԱՅԻ ՆԱԽԱԳԱՀ ՍՏԵՓԱՆ ՄԵՍԻՉ