Մայիսի 31-ին Բրյուսելում տեղի է ունեցել Եվրոպայի Պահպանողականների և Ռեֆորմիստների դաշինքի նիստը, որին մասնակցել է ԲՀԿ քաղաքական խորհրդի անդամ, ԵՊՌԴ խորհրդի անդամ Արմեն Արզումանյանը:                               

Օրակարգային մի շարք հարցերից զատ քննարկվել են Եվրոպայի Պահպանողականների և Ռեֆորմիստների Դաշինքի եւ «Բարգավաճ Հայաստան» կուսակցության իրականացրած համատեղ մի շարք ծրագրեր եւ նախագծեր, այդ թվում՝ սոցիալական ուղղվածության նախագծեր։ ԵՊՌԴ խորհրդում ԲՀԿ ներկայացուցիչ Արմեն Արզումանյանն իր զեկույցում նշել է, որ ԵՊՌԴ և ԲՀԿ համագործակցության արդյունքում իրականացվել են Իրաքից Հայաստան տեղափոխված եզդի ընտանիքների օժանդակության, Տավուշի մարզի սահմանամերձ «Հաղթանակ» գյուղի մանկապարտեզի մասնակի վերանորոգման ծրագրերն ու սոցիալական մի քանի այլ նախագիծ եւս։

Կողմերը արդյունավետ են գնահատել համատեղ սոցիալական նախագծերի իրականացումն ու որոշվել է առաջիկայում մշակել Հայաստանում իրականացվելիք սոցիալական մի քանի այլ նախագծեր եւս։

ԵՊՌԴ խորհրդի նիստի ազատ քննարկումներում Արմեն Արզումանյանը պատասխանել է ներկաների հարցերին, որոնք վերաբերել են Ադրբեջանի կողմից սանձազերծած վերջին ապրիլյան պատերազմին։

ԲՀԿ մամուլի ծառայություն