ԳԱԳԻԿ ԾԱՌՈՒԿՅԱՆՆ ԸՆԴՈՒՆԵՑ «ՄԻՄ ՍՏՈՒԴԻՈ»-Ի ՆԵՐԿԱՅԱՑՈՒՑԻՉՆԵՐԻՆ
12/23/2011
Ռուսաստանի Դաշնության մայրաքաղաք Մոսկվայում օրեր առաջ կայացավ «Սպիտակ դիմակ» թատերական միջազգային փառատոնը:
«Գագիկ Ծառուկյան» հիմնադրամի աջակցությամբ, ավելի քան 40 երկրների շարքում, Հայաստանը նույնպես փառատոնին մասնակցելու հնարավորություն ունեցավ:
Մեր երկիրը ներկայացնող «Միմ ստուդիո» թատերախումբը հաղթող ճանաչվեց և արժանացավ առաջին պատվավոր մրցանակի:
Թատերախմբին այսօր ընդունեց «Բարգավաճ Հայաստան» կուսակցության նախագահ Գագիկ Ծառուկյանը: «Միմ ստուդիո»-ի ներկայացուցիչները հայտնեցին իրենց երախտագիտությունը՝ հեղինակավոր այս փառատոնին մասնակցելու և երկրի պատիվը բարձր պահելու հնարավորության համար:
«Ես միշտ պատրաստ եմ աջակցել այնպիսի նախաձեռնությունների, որոնք կարող են պատվաբեր լինել ինչպես մեր երկրի, այնպես էլ յուրաքանչյուր հայի համար», -շնորհավորելով հաղթանակի կապակցությամբ՝ ընդգծեց ԲՀԿ նախագահ Գագիկ Ծառուկյանը: