«Բարգավաճ Հայաստան» կուսակցության նախագահ Գագիկ Ծառուկյանի՝ Հայաստանի խուլերի միավորման մշակույթի պալատ այցելության նպատակն էր ծանոթանալ խուլ մարդկանց խնդիրներին և պարգևատրել Եվրոպայի խուլերի ըմբշամարտի առաջնության մրցանակակիրներին:

«Սա առաջին նախադեպն է, երբ նման քաղաքական գործիչ այցի է գալիս մեզ»,- նշում են հանդիպման մասնակիցները:

9 միլիոն դրամի նվիրատվություն, անվճար վիրահատություններ, դպրոցի վերանորոգում և արտերկրում վերապատրաստվելու հնարավորություն. խուլ մարդկանց բարձրաձայնած տասնյակ խնդիրներ հենց տեղում լուծում ստացան:

«Ես ձեր կողքին եմ ու շատ հարգում և սիրում եմ ձեզ: Այսօրվա հանդիպումից հետո ավելի պարտավորված եմ ձեր վստահությունն ու հավատը պահելու և պահպանելու: Իմ հնարավորության սահմաններում միշտ օգտակար եմ լինելու, որ կարողանաք ձեզ գնահատված և պաշտպանված զգալ»,- իր ողջույնի խոսքում նշեց Գագիկ Ծառուկյանը: