Հունվարի 13 –ին, ձևավորված ավանդույթի
համաձայն, «Բարգավաճ Հայաստան» կուսակցության նախագահ Գագիկ Ծառուկյանը հերթական անգամ
հանդիպեց ԲՀԿ երիտասարդական ակտիվի ներկայացուցիչների հետ:

Արվեստի, մշակույթի, գիտության, կրթության, սպորտի և այլ
ոլորտներում իրականացված արդյունավետ աշխատանքի համար, կուսակցական երիտասարդները ԲՀԿ նախագահի
կողմից պարգևատրվեցին պատվոգրերով և խրախուսական մրցանակներով:

«Կատարված աշխատանքով  պետք  չէ  սահմանափակվել: Երիտասարդության ոլորտը գտնվում է իմ ամենօրյա
ուշադրության ներքո: Առջևում նախընտրական շրջան է, և քաղաքական գործընթացներում մեծ
է լինելու նաև երիտասարդության դերակատարումը: Ապագան ավելի լավը դարձնելու համար երիտասարդները պետք է այսօրվանից լինեն այս
գործընթացի մասնակիցները», - ընդգծեց  Գագիկ Ծառուկյանը: