Շվեդիայի խորհրդարանի պատգամավորները նաև ակտիվ գործունեություն են ծավալում «Հայաստան-Շվեդիա» միջխորհրդարանական կապերի ամրապնդման և զարգացման ուղղությամբ: Ողջունելով հյուրերին՝ Գագիկ Ծառուկյանն ընդգծեց, որ ողջ հայ ժողովուրդը շատ լավ է հիշում,  որ Հայոց ցեղասպանությունը դատապարտող որոշման քննարկման ժամանակ որոշիչ էր Անելի Էնիքսոնի ձայնը, քանի որ որոշումն ընդունվեց 131 կողմ և 130 դեմ ձայների հարաբերությամբ: «Կարող եք վստահ լինել, որ Հայաստանը ձեզ համար վստահելի և հուսալի գործընկեր է»,- նշեց ԲՀԿ նախագահ Գագիկ Ծառուկյանը: