Այսօր ԱԺ նիստում, երբ քննարկվում էր գլխավոր դատախազի թեկնածու Արթուր Դավթյանին այդ պաշտոնում ընտրելու հարցը, ելույթ ունեցավ ԲՀԿ խմբակցության ղեկավար Նաիրա Զոհրաբյանը և սուր քննադատության ենթարկեց թեկնածուին: Ելույթի վերջում նա հայտարարեց, որ ԲՀԿ խմբակցության այն պատգամավորները, որոնք կիսում են «Բարգավաճ Հայաստան» կուսակցության քաղաքական հայացքները, չեն մասնակցելու գլխավոր դատախազի ընտրության քվեարկությանը:

Նաիրա Զոհրաբյանը հավելեց. «Մոտ օրերս ԲՀԿ խմբակցությունը հանդես է գալու կանոնակարգի փոփոխության առաջարկով, որ այն ԲՀԿ խմբակցության պատգամավորները, որոնք անջատվել են ԲՀԿ-ից ու չեն կիսում ԲՀԿ քաղաքական հայացքները, վայր դնեն պատգամավորական մանդատը»:

http://www.yerkir.am/news/view/113099.html