2008 թվականին Հայաստանում անցկացվեց խուլերի ըմբշամարտի աշխարհի առաջնությունը, որը կազմակերպվեց բարձր մակարդակով: Այս տարի նույնպես մեր երկրին է վստահվել խուլերի եվրոպայի առաջնությունն անցկացնելու պատիվը: Առաջնության հովանավորներից է նաև Հայաստանի ազգային օլիմպիական կոմիտեն:

Հոկտեմբերի 7-ին Հայաստանի ազգային օլիմպիական կոմիտեի նախագահ Գագիկ Ծառուկյանը հանդիպեց ստուգատեսի մասնակից 14 երկրների պատվիրակությունների ղեկավարների և մրցավարների հետ:

Տարբեր երկրներից ժամանած հյուրերը բարձր գնահատեցին Գագիկ Ծառուկյանի վերաբերմունքը խուլերի հանդեպ և հուշանվերներ հանձնեցին ՀԱՕԿ նախագահին: