Մոսկվայի «Կռիլատսկի» հեծանվահրապարակում տեղի ունեցած հեծանվասպորտի աշխարհի երիտասարդական առաջնությունում հաջող է հանդես եկել հայաստանցի Մհեր Մկրտչյանը: 18-ամյա հեծանվորդը հայրենիք է վերադարձել երկու արծաթե մեդալով: Նորանկախ Հայաստանի պատմության ընթացքում մեր հեծանվորդները նման արդյունքի դեռևս չէին հասել: Մեդալակիր հեծանվորդին ընդունել և շնորհավորել է Հայաստանի ազգային օլիմպիական կոմիտեի նախագահ Գագիկ Ծառուկյանը՝ մաղթելով մարզիկին նվաճել օլիմպիական ոսկին: