«Բարգավաճ Հայաստան» կուսակցության նախագահ Գագիկ Ծառուկյանը հանդիպել է Գիտությունների ազգային ակադեմիայի անդամների, կրթության, գիտության և արվեստի ոլորտների ներկայացուցիչների հետ: Հանդիպման ընթացքում քննարկվել են պետության կենսագործունեության տարբեր ոլորտներին առնչվող հարցերի լայն շրջանակ:

Ողջունելով ներկաներին՝ Գագիկ Ծառուկյանն ընդգծեց, որ այս ձևաչափի հանդիպումները պարբերական են լինելու, որոնց ընթացքում տարբեր ոլորտները ներկայացնող գիտնականները կարող են ներկայացնել մեր երկրի առջև ծառացած խնդիրները, առաջադրել լուծումներ, նախանշել կոնկրետ ծրագրեր, որոնք հետագայում կներառվեն «Բարգավաճ Հայաստան» կուսակցության քաղաքական ծրագրի մեջ: