Ձեր անսահման սիրուն, նվիրվածությանն ու հոգատարությանը աշխարհում ոչինչ և ոչ ոք չի կարող փոխարինել, սիրելի մայրեր։ Մայրական օրհնությունն ու քնքշանքը ամենամեծ պահապան ուժն է, որ կարող է ուղեկցել յուրաքանչյուր մարդու ողջ կյանքի ընթացքում:   Ձեր զավակների համար Դուք անկրկնելին ու միակն էք, անգնահատելի է Ձեր դերը ընտանիքում, հասարակությունում և պետության մեջ։ Աստվածածնի ավետման այս օրը ցանկանում եմ, որ Սուրբ Մարիամ Աստվածածինը լինի պահապան Ձեր ընտանիքներին ու զավակներին։

Կրկին ու կրկին շնորհավորելով մեր մայրերին ու կանանց այս գեղեցիկ տոնի առիթով, հավատացած եմ, որ հայ կնոջ առաքինի, սիրառատ ու բարեգութ կերպարը բոլոր սերունդների համար հավերժ կմնա որպես իդեալական կնոջ մարմնացում։