Մարտի 8-ի՝ Կանանց միջազգային տոնի առթիվ Հանրապետության գեղեցիկ սեռի ներկայացուցիչներին հաճելիորեն զարմացնելու ավանդույթը շարունակվում է՝ «Բարգավաճ Հայաստան» կուսակցության նախաձեռնությամբ և «Գագիկ Ծառուկյան» բարեգործական հիմնադրամի աջակցությամբ:  Հարյուրհազարավոր ծաղիկներ նվիրվեցին Երևանում և մարզերում բնակվող կանանց և աղջիկներին:

Մարտի 8-ին գումարվել է նաև ԲՀԿ Երիտասարդ աղջիկների խորհրդի անդրանիկ նիստը: Ողջունելով գեղեցիկ սեռի ներկայացուցիչներին` «Բարգավաճ Հայաստան» կուսակցության նախագահ Գագիկ Ծառուկյանը նախ շնորհավորեց ներկաներին Կանանց միջազգային տոնի կապակցությամբ, մաղթեց երջանկություն և բարեկեցություն: