«Բարգավաճ Հայաստան» կուսակցության նախաձեռնությամբ և «Գագիկ Ծառուկյան» բարեգործական հիմնադրամի օժանդակությամբ նոյեմբերի 9-ից մեկնարկել է հանրապետության ամբողջ տարածքում իրականացվող բարեգործական-առողջապահական ակցիան: Մեկնարկը տրվել է Սյունիքի մարզում: ՀՀ հեռավոր և սահմանային մարզերի բնակչության խնդիրների լուծումը «Բարգավաճ Հայաստան» կուսակցության առաջնային խնդիրների շարքում է: «Էրեբունի» բժշկական կենտրոնի առաջատար 12 մասնագետները համալիր բուժզննում անցկացրեցին Ագարակ քաղաքում: Բոլոր հիվանդները, ովքեր ստացիոնար կամ ամբուլյատոր բուժման կարիք ունեին, ուղեգրվեցին Երևան ավելի մանրամասն զննում անցնելու, իսկ անհրաժեշտության դեպքում նաև վիրահատվելու նպատակով:

    
«Էրեբունի» բժշկական կենտրոնի մասնագետները այնուհետև այցելեցին Գորիս: «Բարգավաճ Հայաստան» կուսակցության նախագահ Գագիկ Ծառուկյանի հանձնարարականով լիարժեք բուժօգնություն պետք է ստանան բոլոր հիվանդները: Անհրաժեշտության դեպքում բուժօգնությունը պետք է շարունակվի Երևանում մինչև հիվանդի ամբողջական ապաքինում: Բուժակցիան ամփոփվեց Սյունիքի մարզի Սիսիան քաղաքում: