Այսօր Հայաստանի ազգային օլիմպիական կոմիտեի նախագահ Գագիկ Ծառուկյանն այցելեց Երևանի oլիմպիական հերթափոխի պետական քոլեջ: ԲՀԿ նախագահ Գագիկ Ծառուկյանին դիմավորեց քոլեջի տնօրեն Դերենիկ Գաբրիելյանը: Օրակարգում էր հանդիպում հայազգի մրցանակակիր մարզիկների և մարզիչների հետ, ինչպես նաև Օլիմպիական հերթափոխի պետական քոլեջի փառքի թանգարանի բացման հանդիսավոր արարողությունը:

Երևանի օլիմպիական հերթափոխի պետական քոլեջի զարգացման գործում ունեցած  մեծ ավանդի համար քոլեջի տնօրինության որոշմամբ Գագիկ Ծառուկյանը պարգևատրվեց ոսկե մեդալով և «Առատության եղջյուր» գավաթով:

ՀԱՕԿ նախագահը Օլիմպիական քոլեջի տնօրեն Դերենիկ Գաբրիելյանի ուղեկցությամբ մասնակցեց նաև Օլիմպիական քոլեջի փառքի թանգարանի բացման հանդիսավոր արարողությանը: Մեծարգո հյուրին խնդրեցին առաջինը մաղթանքներ գրել թանգարանի պատվո գրքում:

Միջոցառման պաշտոնական ավարտից հետո կայացավ հյուրասիրություն: