Երևանի ավագանու ընտրությունների քարոզարշավի շրջանակներում անցկացվող հանդիպման ընթացքում ԲՀԿ նախագահ Գագիկ Ծառուկյանը, ԲՀԿ քաղաքապետի թեկնածու, ՀՀ առողջապահության նախարար Հարություն Քուշկյանը ներկայացրին «Բարգավաճ Հայաստան» կուսակցության նախընտրական ծրագիրը և վերջինիս հիմնադրույթները:

«Սիրելի Երևանցիներ, մեր կուսակցության ծրագրի բաղկացուցիչ մասն է կազմում Հայաստանի Հանրապետության մայրաքաղաք Երեւանի սոցիալ-տնտեսական, հոգեւոր-մշակութային, կրթական, քաղաքաշինական, ժողովրդագրական եւ մյուս ոլորտների զարգացման համալիր ծրագիրը, միացիր մեր արդար գործին, միասին կառուցենք «Բարգավաճ Հայաստան»,-իր ելույթում մասնավորապես նշեց ԲՀԿ քաղաքապետի թեկնածու Հարություն Քուշկյանը:

Մալաթիա-Սեբաստիա  համայնքի բնակիչներին կոչով դիմեց նաև «Բարգավաճ Հայաստան» կուսակցության նախագահ Գագիկ Ծառուկյանը: «Սիրելի Երևանցիներ, Երևանի ավագանու ընտրությանը մնացել են հաշված օրեր: Հուսով ենք՝ դուք արդեն կատարել եք ձեր ընտրությունը: Վստահ ենք, որ մայիսի 31-ին դուք ընտրելու եք քաղաքամայր Երևանի կայուն զարգացման ու բարգավաճման ուղին»,-իր ելույթն ավարտեց ԲՀԿ նախագահը:
 
«Բարգավաճ Հայաստան» կուսակցության եզրափակիչ հանդիպումը երևանցիների հետ կկայանա մայիսի 28-ին Աջափնյակ համայնքում: