Ծաղկահովիտի ԲՀԿ կառույցի պատասխանատուն կհանի իր թեկնածությունը, եթե առաջադրվի Խանդոյանը

08/19/2016

«Սասնա Ծռերից» ազատամարտիկ Արարատ Խանդոյանը մեկուսարանից հայտարարություն էր տարածել, որ ցանկություն ունի առաջադրվելու սեպտեմբերի 18-ին Արագածոտնի մարզի Ծաղկահովիտ համայնքում կայանալիք համայնքապետի ընտրություններին։ Ծաղկահովիտի համայնքապետի ընտրություններին մասնակցելու համար առաջադրվել է նաեւ ԲՀԿ անդամ, Ծաղկահովիտի ԲՀԿ կառույցի պատասխանատու Աշոտ Հակոբյանը։ Քիչ առաջ ԲՀԿ-ական Աշոտ Հակոբյանը տեղեկացրեց, որ եթե Արարատ Խանդոյանը առաջադրվի Ծաղկահովիտում կայանալիք համայնքապետի ընտրություններում, ապա ինքը իր թեկնածությունը կհանի։ Առաջադրումների ժամկետն ավարտվում է այսօր ժամը 18.00-ին։ 

http://www.aravot.am/2016/08/19/727470/